پەیامی سەرەخۆشی"پارتی
لیبراڵ دێمۆکراتی کوردستان"
بەڕێز: ئەندامانی سەركردایەتی و كادر و پێشمەرگەكانی
"پارتی ئازادی كوردستان"
بەڕێز بنەماڵەی شەهیدانی تازەی
سوورخەڵاتی گەلەكەمان لە سەنگەری باشووری كوردستان
لەگەڵ سڵاوی شۆڕش و بەرخودان
بەڕێزان بە بیستنی
هەواڵی شەهیدبونی سێ كادر و پێشمەرگەی چالاكی پارتە تێكۆشەرەكەتان خەمبار بووین.
لە راستیدا ئەمڕۆ
لەگەڵ هێرشە یەك لەدوای یەكەكانی دوژمنانی كورد بۆ سەر وڵاتەكەمان، بە مەبەستی
داڕمانی ورەی پۆڵایینی كوردان و دەستبەرداربوونی ئێمە لە ئازادی و مافەكانمان،
پێویستە هەموو ڕۆڵەكانمان هۆشیار بن و شانبەشانی یەكتر دژی دەستدرێژییەكانی دوژمن
بوەستنەوە.
"پارتی ئازادی كوردستان" وەك هێزێكی
هەڵقوڵاوی شۆڕشی رۆژهەڵاتی كوردستان، كە ئێستا لە بەرەی شەڕی كەركوكى دڵی
كوردستان، دژی شەمشەمە كوێرەكانی داعش لە چالاكی و بەرخوداندان، مایەی سەرفرازین
بۆمان.
ئەنجومەنی
سەركردایەتی "پارتی لیبراڵ دێمۆكراتی
كوردستان" بە نوێنەرایەتی سەرجەم ئەندامانی باڵای پارتەكەمان، كادر
و پێشمەرگە و هۆگرانی، لە خەمی لەدەستدانی هاوڕێ تێكۆشەرەكانتاندا خۆیان بە بەشدار
دەزانن.
بەم بۆنەیەوە پرسە
و سەرەخۆشیی خۆمان ئاراستەی ئێوەی بەڕێز و بنەماڵە شۆڕشگێرەكانیان و سەرجەم خەڵكی
كورد لە رۆژهەڵاتی كوردستان دەكەین.
سڵاو لە شەهیدانی تازەی گەلەكەمان
و سەرقافڵەی بەرخودانی نوێی رێگای ئازادی كوردستان
بژی كورد
بژی ئازادی
ئەنجومەنی سەركردایەتی
"پارتی لیبراڵ دێمۆكراتی
كوردستان"
10/3/2015
هیچ نظری موجود نیست:
ارسال یک نظر